Nú er lestrarátak Ævars vísindamanns í fullum gangi. Skólasafnið hvetur auðvitað alla til að vera með í lestrarátakinu í ár. Nú fer hver að verða síðastur því þetta er síðasta lestrarátakið sem Ævar stendur fyrir. Hér fyrir neðan eru reglurnar. Lestrarmiðana er hægt að fá á skólasafninu.

• Lestu það sem þig langar til að lesa.
• Þú mátt lesa hvaða bók sem er.
• Á hvaða tungumáli sem er.
• Hljóðbækur, eða ef einhver les fyrir þig, teljast líka með sem lesin bók.

Fyrir hverjar þrjár bækur sem þú lest fyllir þú út lestrarmiða sem þú færð á skólabókasafninu og skilar svo þangað.   Því meira sem þú lest – því fleiri miða áttu í pottinum. Fimm krakkar verða dregnir úr lestrarmiðapottinum og gerðir að persónum í síðustu bókinni um Bernskubrek Ævars vísindamanns.

Takið eftir tveimur nýju reglum:

1. Sá skóli sem les hlutfallslega mest verður settur í bókina.
2. Einn nemandi úr hverjum einasta skóla sem tekur þátt mun fá sérstaka bókagjöf frá Ævari. Þetta þýðir að það verður allavega einn sigurvegari í hverjum einasta skóla.