Miðvikudaginn 2. júní, í yndislegu veðri, fóru nemendur í 4. bekk ásamt kennurum í Náttúrufræðistofu Kópavogs.  Hópurinn gekk báðar leiðir og var stoppað  leiðinni til að borða nesti. Finnur og Haraldur starfsmenn safnsins tóku vel á móti hópnum og fræddu nemendur meðal annars um fiska og hvali. Öllum fannst gaman að leika sér úti í góða veðrinu og sérstaklega var gaman að fara í feluleik milli steinanna á holtinu og leika sér í þeim.

Miðvikudaginn 2. júní héldu nemendur í  7. bekk kaffihúsadag og buðu nemendum í 
7. bekk Fossvogsskóla í heimsókn.  Þetta var skemmtileg stund sem nemendur og kennarar í þessum tveimur skólum áttu saman.  Borðin nánast svignuðu undan veitingum sem nemendur í Breiðó höfðu margir bakað sjálfir. Krakkarnir gátu svo
valið um að spila, horfa á video eða vera úti á skólalóð í leikjum.  

Hekla Helgadóttir frá Karatefélaginu Þórshamri kom í heimsókn til þess að kynna leikjanámskeið sem þau standa fyrir í Þórshamri fyrir börn á aldrinum 6 - 12 ára. Nemendur fengu að reyna sig í íþróttinni með því að kýla og sparka í púða ásamt því að læra ýmsar karateæfingar.

Nemendur fengu miða (auglýsingu) með sér heim sem veitir 10% afslátt af einu námskeiði. Frekari upplýsingar má svo finna á heimasíðu Þórshamars www.karate.is/sumar