Mánudaginn 25. janúar fóru nemendur í 3. bekk í heimsókn  í  Mjólkursamsöluna og  kynntu sér framleiðslu á mjólkurafurðum.  Nemendur fengu að sjá gömul tæki og umbúðir og þáðu veitingar. Þetta var vel heppnuð heimsókn og voru nemendurnir sjálfum sér og öðrum til sóma.  Myndir frá ferðinni eru inni á myndasafni.

Margrét Örnólfsdóttir kom á skólasafnið fimmtudaginn 21. janúar og las fyrir nemendur í 5. bekk upp úr bók sinni Aþena (ekki höfuðborgin í Grikklandi;)sem kom út fyrir jól. Nemendur höfðu mjög gaman af og gáfu Margréti gott hljóð og var hún mjög ánægð með hópinn. Eftir lesturinn gaf Margrét nemendum kost á að koma með spurningar og endaði sú umræða á því að allir fengu eiginhandaráritun og fengu sumir einnig góð ráð við því hvernig happasælast væri að hefja rithöfundaferilinn.

Myndir frá heimsókn Margrétar eru í myndasafni