5. febrúar  fór hluti af  nemendum í 3. bekk í heimsókn á bókasafnið í Kringlunni.

Hildur Baldursdóttir starfsmaður safnsins tók að venju á móti nemendunum og leiddi þá inn í draugaheima. Það var mjög gaman að fylgjast með hversu gagnteknir nemendur voru af upplestri á þjóðsögunni um Guðrúnu og drauginn.

Það er alltaf vandað til verka í þessum árlegu heimsóknum okkar á safnið og greinilegt að Hildur hefur mikla ánægju af starfi sínu.

Myndir frá heimsókninni eru í myndasafni.  Ekki þótti við hæfi að trufla sögustundina með myndatöku þar sem einbeiting nemenda var algjör og áhugi á söguefninu endurspeglaðist í hverju andliti.

Á öskudegi er hefð er fyrir því að nemendur og starfsfólk skólans mæti furðulega til fara. Margt er sér til gamans gert á þessum degi s.s. leikir, bingó, dans, myndbönd o.fl. Við viljum beina því til foreldra að ekki sé nauðsynlegt að kaupa dýra búninga, gömul föt gera sama gagn og vekja alltaf mikla lukku.  Þá er bannað að koma með vopn og önnur ofbeldistæki sem oft fylgja grímubúningum. Undanfarið hefur verið varað við hættu af andlitsmálningu og þess vegna verður ekki boðið upp á andlitsmálningu í skólanum þennan dag eins og undanfarin ár. 

Samkvæmt skóladagatali er öskudagur skertur skóladagur.  Viðvera nemenda í skólanum þennan dag er eftirfarandi:

5. – 7. bekkur er í skólanum frá 8:35 – 11:35

3. – 4. bekkur er í skólanum frá 8:35 -  12:00

1. – 2. bekkur er í skólanum frá 8:35 – 12:20

Hádegismatur: Skólinn býður öllum nemendum sínum upp á pylsu og djús í hádeginu.

Nesti: Í tilefni öskudags ætlum við að gera okkur dagamun og mega nemendur hafa með sér frjálst nesti en við biðjum foreldra að stilla sælgæti og gosdrykkjum í hóf.

Öskudagsskemmtun á vegum ÍTR, foreldrafélaga Breiðagerðis- og Fossvogsskóla, Bústaða og Víkings er í Víkinni frá kl. 13 – 15 fyrir nemendur í 1. – 4. bekk.  Strætisvagn fer frá skólanum rétt fyrir kl. 13 og verða nokkrar ferðir frá skólanum og aftur til baka kl. 15.

Þeir nemendur sem eru í frístundaheimilinu Sólbúum geta farið þangað strax að loknum skóla og sér starfsfólk Sólbúa um að fylgja þeim í Víkina og vera með þeim þar.

Þá er öskudagsskemmtun í Bústöðum fyrir nemendur í 5.- 7. bekk frá kl. 17 – 19.

Vetrarfrí  er dagana 18. og 19. febrúar.

Kennsla hefst aftur samkvæmt stundaskrá mánudaginn 22. febrúar.

Nemendur og starfsmenn Breiðagerðisskóla eru þátttakendur  í Lífshlaupinu. Lífshlaupið er fræðslu- og hvatningarverkefni ÍSÍ sem höfðar til allra aldurshópa. Landsmenn eru hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag.
Skrá má alla hreyfingu niður en hún þarf að ná minnst 30 mínútum samtals hjá fullorðnum og minnst 60 mínútur samtals hjá börnum og unglingum til að fá dag skráðan. Tímanum má skipta upp í nokkur styttri tímabil yfir daginn s.s. 10 til 15 mín í senn.
Í hvatningarleiknum eru grunnskólanemendur hvattir til þess að ná að hreyfa sig í 11 daga í samræmi við ráðleggingar um hreyfingu. Í vinnustaðakeppninni er hugmyndafræðin þ.e. flokkaskipting og útreikningar þeir sömu og eru í fyrirtækjakeppninni Hjólað í vinnuna. Þar sem fjöldi þátttakenda er deilt með heildarfjölda starfsmanna á vinnustaðnum, nema nú er keppt um fjölda daga og mínútna.