Hjá Skólahljómsveit Austurbæjar hafa losnað nokkur pláss í slagverksnám.

Nemendum í 3. - 7. bekk  Breiðagerðisskóla stendur til boða að sækja um. Öll slagverkskennsla fer fram í Laugarnesskóla, kennari er Ólafur Hólm. Vinsamlegast hafið samband við Vilborgu í síma: 664-8404 eða í tölvupósti: Þetta tölvupóstfang er varið með ruslpóstssíu. JavaScript verður að vera virkt í vafranum þínum til að póstfangið sjáist.

1. mars fóru nemendur 1. bekkjar í útikennslu í myndmennt. Kennaranemarnir, Atli og Unnur ásamt Kristínu myndmenntakennara unnu saman að undirbúningi og skipulagningu útikennslunnar. Verkefnið sem lagt var fyrir börnin fólst í því að skoða tré að vetri til, teikna það og mála. Hópurinn var heppinn með veður því þessi dagur var bjartur og fallegur. Myndir frá útimyndlistinni eru í myndasafni.

Sjötti fundur nemendafélagsins var haldinn fimmtudaginn 25. febrúar. Þar ræddu aðalfulltrúar 5., 6. og 7. bekkar m.a. um væntanlega þemadaga í skólanum. Það voru margar, skemmtilegar og spennandi hugmyndir sem nemendafulltrúarnir lögðu til varðandi þemadagana og verða þær allar teknar til greina og skoðunar.

Allir nemendafulltrúarnir (bæði aðal- og varamenn) hafa verið mjög áhugasamir og duglegir í vetur. Auk hefðbundinna funda hafa fulltrúar þeirra mætt á alla fundi í skólaráði í vetur. Þann 1. febrúar s.l. fóru tveir fulltrúar 7. bekkjar, þær Hrafnhildur Hekla og Ragnheiður Silja á fund um skólastarf sem haldinn var í Laugalækjaskóla á vegum Menntasviðs. Þar stóðu stelpurnar sig með miklum sóma. Á fundinum lýstu þær ánægju með kennsluhætti í skólanum sínum, sögðu frá hve þróunarverkefnið Orð af orði hefði eflt lestraráhuga nemenda í 7. bekk. Einnig lýstu þær áhuga 7. bekkinga í Breiðagerðisskóla á því að eiga meiri samskipti við jafnaldra í Fossvogsskóla, t.d. bjóða þeim í heimsókn eða halda sameiginlegt diskó.