Heildarmat á skólastarfi á vegum Menntasviðs Reykjavíkur  fer fram í 6-7 skólum á þessu skólaári.  Heildarmatið fór fram í Breiðagerðisskóla fyrir áramót.  Markmið matsins er að efla skólastarf í borginni og veita yfirsýn yfir sterka og veika þætti í framkvæmd menntastefnu borgarinnar. 

                Matinu er ætlað:

Að aðstoða skóla í ljósi eigin sjálfsmats til að efla skólastarfið og styrkja innviði skólans

                               Styrkja skólabrag og búa til samhljóm í skólanum

                               Gera góðan skóla betri með markvissri hvatningu í starfi.

 Nú hefur matshópur lokið störfum.  Heildarmatsskýrsla er nú komin á heimasíðu skólans. Matsskýrslan er vistuð undir flipanum til vinstri á síðunni undir liðnum :  skólinn. 

Starfsfólk skólans má vera stolt af sínu starfi, sem er fjölbreytt. Í skólastarfi er alltaf að mörgu að hyggja. 

Starfsfólk skólans mun á næstunni skoða niðurstöður matsins og vinna úr niðurstöðum matsins nýja umbótaáætlun fyrir Breiðagerðisskóla. Foreldrar eru hvattir til að kynna sér niðurstöður skýrslunnar.   

Fimmtudaginn 11. mars fóru nemendur í  2. bekk ásamt kennurum í heimsókn í fiskbúðina Fiskikónginn. Nemendur stóðu sig mjög vel og fengu  frábærar móttökur. Þeir fræddust um búðina og fengu að skoða hinar ýmsu fisktegundir. Þetta var bæði fróðleg og skemmtileg ferð. Myndir af ferðinni eru í myndasafni.